ਤੀਵੀਂਆਂ ਦੀ ਮੰਡੀ

ਦੁਨੀਆ ਭਰ ਵਿਚ ਫ਼ੈਲੇ ਵੇਸਵਾ-ਘਰਾਂ ਅਤੇ ਉਨ੍ਹਾਂ ਅੰਦਰ ਰਹਿਣ ਵਾਲੀਆਂ ਔਰਤਾਂ ਦੀ ਅੱਖੀਂ ਦੇਖੀ ਦਰਦਮਈ ਕਹਾਣੀ ਦਾ ਬਿਆਨ ਕਰਨ ਵਾਲੀ ਇਹ ਕਿਤਾਬ ਪ੍ਰਸਿੱਧ ਪੱਤਰਕਾਰ ਗੀਤਾਸ਼੍ਰੀ ਦਾ ਇਕ ਪ੍ਰਕਾਰ ਨਾਲ ਸਫ਼ਰਨਾਮਾ ਵੀ ਹੈ. ਆਪਣੀ ਇਸ ਯਾਤਰਾ ਵਿਚ ਉਹ ਭਾਰਤ, ਇੰਗਲੈਂਡ, ਫ਼ਰਾਂਸ, ਚੀਨ, ਜਰਮਨੀ, ਮਲੇਸ਼ੀਆ, ਥਾਈਲੈਂਡ ਆਦਿ ਦੇਸ਼ਾਂ ਵਿਚ ਸਥਾਪਿਤ ਹੋ ਚੁੱਕੇ ਪ੍ਰਸਿੱਧ ਲਾਲ-ਬੱਤੀ ਇਲਾਕਿਆਂ ਦੇ ਭਾਵ-ਪੂਰਤ ਦ੍ਰਿਸ਼ ਪੇਸ਼ ਕਰਦੀ ਹੈ. ਇਹੀ ਨਹੀਂ ਉਹ ਇਨ੍ਹਾਂ ਵੇਸਵਾ-ਘਰਾਂ ਵਿਚ ਹੋਣ ਵਾਲੇ “ਧੰਦੇ” ਦੇ ਵਿਭਿੰਨ ਰੂਪਾਂ, “ਧੰਦਾ” ਕਰਨ ਵਾਲੀਆਂ ਤੀਵੀਂਆਂ ਤੇ ਬੰਦਿਆਂ ਦੀ ਮਾਨਸਿਕਤਾ ਤੇ ਜਨ-ਸਾਧਾਰਨ ਦਾ ਇਕ ਮਾਨਸਿਕ ਚਿੱਤਰ ਵੀ ਸਾਹਮਣੇ ਲਿਆਂਉਂਦੀ ਹੈ. ਉਸ ਦੀ ਇਹ ਕਿਤਾਬ ਹਾਲਾਂਕਿ ਵਿਸ਼ੇ ਪੱਖੋਂ ਨਵੀਂ ਨਹੀਂ, ਪਰ ਪੇਸ਼ਕਾਰੀ ਤੇ ਤੱਥਾਂ ਪੱਖੋਂ ਜ਼ਰੂਰ ਤਾਜ਼ਾ ਮਹਿਸੂਸ ਹੁੰਦੀ ਹੈ. ਜਿਸ ਦੀ ਬਦੌਲਤ ਹੀ ਪਾਠਕ ਜਿਉਂ ਹੀ ਇਸ ਨੂੰ ਪੜ੍ਹ ਕੇ ਖ਼ਤਮ ਕਰਦਾ ਹੈ, ਇਸ ਵਿਸ਼ੇ ਦਾ ਇਕ ਪ੍ਰਕਾਰ ਨਾਲ ਜਾਣਕਾਰ ਬਣ ਉੱਭਰਦਾ ਹੈ.