ਦਅ ਬੁੱਕ ਅਵ ਟੀ

ਚਾਹ ਨੂੰ ਲੈ ਕੇ ਦੁਨੀਆ ਭਰ ਅੰਦਰ ਕਈ ਤਰ੍ਹਾਂ ਦੀਆਂ ਪਰੰਪਰਾਵਾਂ ਤੇ ਰਸਮ-ਰਿਵਾਜ਼ਾਂ ਦਾ ਪ੍ਰਚੱਲਣ ਰਿਹਾ ਹੈ, ਪਰ ਜਾਪਾਨ ਨੇ ਜਿਸ ਤਰ੍ਹਾਂ ਚਾਹ ਨੂੰ ਲਿਆ ਹੈ, ਸ਼ਾਇਦ ਹੀ ਕੋਈ ਹੋਰ ਖ਼ਿੱਤਾ ਹੋਵੇ, ਜਿੱਥੇ ਸਾਨੂੰ ਚਾਹ ਨਾਲ ਜੁੜੇ ਏਨੇ ਵੱਡੇ ਦਰਸ਼ਨ ਦੀ ਪ੍ਰਾਪਤੀ ਹੁੰਦੀ ਹੋਏ. ਜਾਪਾਨੀ ਸੰਸਕ੍ਰਿਤੀ ਵਿਚ ਚਾਹ ਮਹਿਜ਼ ਇਕ ਪੀਣ ਯੋਗ ਪਦਾਰਥ ਹੀ ਨਹੀਂ, ਜੀਵਨ ਦਾ ਇਕ ਦਰਸ਼ਨ ਵੀ ਹੈ. ਇਸ ਲਈ ਉਕਾਕੁਰਾ ਨੇ ਆਪਣੀ ਇਸ ਕਿਤਾਬ ਅੰਦਰ ਨਾ ਸਿਰਫ਼ ਚਾਹ, ਬਲਕਿ ਤਾਓਵਾਦ, ਜ਼ੇਨਵਾਦ ਤੇ ਕਨਫ਼ਿਊਸ਼ਿਸਵਾਦ ਦੇ ਹਵਾਲੇ ਨਾਲ ਵੀ ਚਾਹ ਦੀ ਇਕ ਅਜਿਹੀ ਸੰਸਕ੍ਰਿਤੀ ਨੂੰ ਜਨਮ ਦਿੱਤਾ ਹੈ ਕਿ ਉਸ ਦੀ ਇਹ ਕਿਤਾਬ ਅੱਜ ਦੁਨੀਆ ਦੀਆਂ ਸਭ ਤੋਂ ਖ਼ੂਬਸੂਰਤ ਮੰਨੀਆਂ ਜਾਣ ਵਾਲੀਆਂ ਕਿਤਾਬਾਂ ਵਿਚੋਂ ਇਕ ਬਣ ਗਈ ਹੈ. ਲਾਜ਼ਮੀ ਹੈ ਕਿ ਜਦੋਂ ਤੁਸੀਂ ਇਸ ਕਿਤਾਬ ਵਿਚੋਂ ਗੁਜ਼ਰੋਗੇ, ਇਸ ਦੇ ਪ੍ਰਸ਼ੰਸ਼ਕ ਬਣੇ ਬਗ਼ੈਰ ਨਹੀਂ ਰਹਿ ਸਕੋਗੇ.