ਸੁੱਤਾ ਪੈਗ਼ੰਬਰ

ਭਾਰਤ ਵਿਚ ਜਿਨ੍ਹਾਂ ਵਿਸ਼ਿਆਂ ਦੀ ਗੱਲ ਨਾਂ-ਮਾਤਰ ਹੀ ਹੁੰਦੀ ਹੈ, ਦਰਅਸਲ ਇਹ ਉਨ੍ਹਾਂ ਵਿਚ ਸ਼ਾਮਲ ਇਕ ਮਹੱਤਵਪੂਰਨ ਵਿਸ਼ੇ ਦੀ ਗੱਲ ਕਰਦੀ ਕਿਤਾਬ ਹੈ ਤੇ ਉਹ ਵਿਸ਼ਾ ਹੈ– ਮਨੁੱਖ ਦੀ ਸ਼ਕਤੀ. ਮਨੁੱਖ ਦੀ ਹੋਂਦ ਬਾਬਤ ਬੇਸ਼ੱਕ ਦੁਨੀਆ ਭਰ ਵਿਚ ਬਹੁਤ ਸਾਰੀਆਂ ਗੱਲਾਂ ਕੀਤੀਆਂ ਜਾਂਦੀਆਂ ਹਨ, ਪਰ ਵਾਸਤਵ ਵਿਚ ਮਨੁੱਖ ਕਿੰਨਾ ’ਕੁ ਸ਼ਕਤੀਸ਼ਾਲੀ ਹੈ? ਇਹ ਪ੍ਰਸ਼ਨ ਅਜੇ ਵੀ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ. ਇਸ ਕਿਤਾਬ ਵਿਚ ਅਮਰੀਕਾ ਦੇ ਇਕ ਬੇਹੱਦ ਚਰਚਿੱਤ ਵਿਅਕਤੀ ਐਡਗਰ ਕੈਸੀ ਦੇ ਜੀਵਨ-ਹਵਾਲਿਆਂ ਨਾਲ ਇਸ ਗੱਲ ਨੂੰ ਸਮਝਣ ਦਾ ਯਤਨ ਕੀਤਾ ਗਿਆ ਹੈ ਕਿ ਇਕ ਮਨੁੱਖ ਆਪਣੇ ਇਸ ਭੌਤਿਕ ਸਰੀਰ ਦੇ ਨਾਲ-ਨਾਲ ਹੋਰ ਅਜਿਹੀਆਂ ਕਿਹੜੀਆਂ ਸੂਖ਼ਮ ਸ਼ਕਤੀਆਂ ਹਨ, ਜਿਨ੍ਹਾਂ ਨਾਲ ਇਸ ਦੁਨੀਆ ਨੂੰ ਬਾਕੀਆਂ ਨਾਲੋਂ ਬਿਹਤਰ ਜਾਨਣ ਤੇ ਸਮਝਣ ਵਿਚ ਸਫ਼ਲ ਹੁੰਦਾ ਹੈ। ਲਾਜ਼ਮੀ ਤੌਰ ’ਤੇ ਇਹ ਕਿਤਾਬ ਉਨ੍ਹਾਂ ਲੋਕਾਂ ਲਈ ਖਿੱਚ ਦਾ ਕੇਂਦਰ ਹੈ, ਜਿਹੜੇ ਲੋਕ ਕਿਸੇ ਦਰਸ਼ਨ ਵਿਸ਼ੇਸ਼ ਦੇ ਗ਼ੁਲਾਮ ਹੁੰਦੇ ਹੋਏ, ਮਨੁੱਖੀ ਸਰੀਰ ਤੇ ਚੇਤਨਾ ਨੂੰ ਸੀਮਤ ਕਰ ਦੇਖਦੇ ਹਨ.