ਸਿੱਖ ਮਿਸ਼ਨ ਅਤੇ ਡਾ. ਭੀਮ ਰਾਓ ਅੰਬੇਡਕਰ

ਡਾ. ਭੀਮ ਰਾਓ ਅੰਬੇਡਕਰ ਦੁਆਰਾ ਸਿੱਖ ਧਰਮ ਨਾ ਅਪਣਾਉਣ ਦੇ ਅਸਲ ਕਾਰਨਾਂ ਅਤੇ ਉਸ ਨਾਲ਼ ਜੁੜ ਚੁੱਕੀਆਂ ਬਹੁਤ ਸਾਰੀਆਂ ਮਿੱਥਾਂ ਜਾਂ ਗ਼ਲਤ ਧਾਰਨਾਵਾਂ ਤੋਂ ਪਰਦਾ ਚੁੱਕਦੀ ਤੇ ਸਮਕਾਲੀ ਘਟਨਾਵਾਂ ਤੇ ਹਾਲਾਤਾਂ ਨਾਲ਼ ਰੂਬਰੂ ਕਰਵਾਉਂਦੀ ਕਿਤਾਬ, ਜਿਹੜੀ ਸਾਨੂੰ ਬਹੁਤ ਸਾਰੇ ਨਵੇਂ ਦਿਸਹੱਦਿਆਂ ਤੱਕ ਲੈ ਪਹੁੰਚਦੀ ਹੈ, ਅਸਲ ਵਿਚ ਸ. ਮੱਲ ਸਿੰਘ ਦੀ ਸਖ਼ਤ ਘਾਲ਼ਨਾ ਤੇ ਸਿਰੜ ਦਾ ਨਤੀਜਾ ਹੈ. ਜਿਸ ਵਿਚ ਲੇਖਕ ਨੇ ਨਾ ਸਿਰਫ਼ ਸਮਕਾਲੀ ਸਬੂਤਾਂ ਦੇ ਆਧਾਰ ’ਤੇ ਬਹੁਤ ਸਾਰੀਆਂ ਪ੍ਰਚੱਲਿਤ ਹੋ ਚੁੱਕੀਆਂ ਧਾਰਨਾਵਾਂ ਨੂੰ ਗ਼ਲਤ ਸਾਬਤ ਕੀਤਾ ਹੈ, ਬਲਕਿ ਕਈ ਸਾਰੀਆਂ ਨਵੀਆਂ ਦਿਸ਼ਟੀਆਂ ਨੂੰ ਵੀ ਸਾਡੇ ਸਾਹਮਣੇ ਲਿਆਂਦਾ ਹੈ.